[Officium]
In Translatione Almæ Domus Beatæ Mariæ Virginis

[Rank]
;;Duplex majus;;4;;ex C11

[Rule]
ex C11
9 lectiones
Antiphonas horas
Gloria
Credo
Prefatio=Maria=Festivitate;

[Ant Vespera]
@Commune/C8::1
@Commune/C8::2 s/\.;;/: in ea omnis qui petit, áccipit, et qui quærit ínvenit: et pulsánti aperiétur.;;/ s/;;110/;;112/
@:Ant VesperaBMV

[Ant VesperaBMV]
Propter domum * Dómini Dei nostri quæsívi bona tibi.;;121
Dómine Deus * exaltásti super terram habitatiónem meam.;;126
Domum majestátis meæ, * et locum pedum meórum glorificábo.;;147

[Versum 1]
@Commune/C8

[Ant 1]
@Commune/C8

[Oratio]
Deus, qui beátæ Maríæ Vírginis Domum per incarnati Verbi mystérium misericórditer consecrasti, eámque in sinu Ecclésiæ tuæ mirbiliter collocasti: concéde; ut segregati a tabernáculis peccatórum, digni efficiamur habitatóres Domus sanctæ tuæ.
$Per eumdem

[Invit]
Salvatórem mundi in domo Vírginis de Spíritu sancto concéptum, * Veníte, adorémus.

[Hymnus Matutinum]
@Commune/C8

[HymnusM Matutinum]
@Commune/C8

[Ant Matutinum]
Eleváta est magnificéntia tua super cœlos.;;8
In sole pósuit tabernáculum suum, et ipse tamquam sponsus procédens de thálamo suo.;;18
Quis ascendat in montem Dómini? aut quis stabit in loco sancto ejus? Ínnocens mánibus, et mundo corde.;;23
Diffúsa est grátia in lábiis tuis, proptérea benedíxit te Deus in ætérnum, et in sǽculum sǽculi.;;44
Sanctificávit tabernáculum suum Altíssimus.;;45
Homo natus est in ea, et ipse fundávit eam Altíssimus.;;86
Tóllite hóstias, et introíte in átria ejus: * adoráte Dóminum in átrio sancto ejus.;;95
Vidérunt omnes pópuli glóriam ejus.;;96
Cantáte Dómino cánticum novum, quia mirabília fecit Dóminus, allelija.;;97

[Nocturn 1 Versum]
V. Hic domus Dei est, et porta cœli.
R. Et vocábitur ala Dei.

[Nocturn 2 Versum]
V. Dómine, diléxi decórem domus tuæ,
R. Et locum habitatiónis glóriæ tuæ.

V. Domum tuam, Dómine, decet sanctitúdo.
R. In longitúdinem diérum.

[Lectio1]
De libro tértio Regum
!3 Reg 8:22-23, 27-30
22 Stetit autem Salomon ante altáre Dómini in conspéctu ecclésiæ Israël, et expándit manus suas in cælum,
23 et ait:
27 Ergone putandum est quod vere Deus habitet super terram? si enim cælum, et cæli cælórum, te cápere non possunt, quanto magis domus hæc, quam ædificavi!
28 Sed réspice ad oratiónem servi tui, et ad preces ejus, Dómine Deus meus: audi hymnum et oratiónem quam servus tuus orat coram te hódie:
29 ut sint óculi tui aperti super domum hanc nocte ac die: super domum, de qua dixísti: Erit nomen meum ibi: ut exaudias oratiónem quam orat in loco isto ad te servus tuus:
30 ut exaudias deprecatiónem servi tui et pópuli tui Israël, quodcúmque oraverint in loco isto, et exáudies in loco habitáculi tui in cælo: et cum exaudieris, propítius eris.

[Responsory1]
@Sancti/08-15t

[Lectio2]
!3 Reg 8:33-36
33 Si fúgerit pópulus tuus Israël inimícos suos (quia peccatúrus est tibi), et agéntes pœniténtiam, et confiténtes nómini tuo, vénerint, et oráverint, et deprecáti te fúerint in domo hac:
34 exáudi in cælo, et dimítte peccátum pópuli tui Israël, et redúces eos in terram quam dedísti pátribus eórum.
35 Si clausum fúerit cælum, et non plúerit propter peccáta eórum, et orántes in loco isto, pœniténtiam égerint nómini tuo, et a peccátis suis convérsi fúerint propter afflictiónem suam:
36 exáudi eos in cælo, et dimítte peccáta servórum tuórum, et pópuli tui Israël: et osténde eis viam bonam per quam ámbulent, et da plúviam super terram tuam, quam dedísti pópulo tuo in possessiónem.

[Responsory2]
R. Quæ est ista, quæ ascéndit sicur auróra consúrgens, pulchra ut luna, elécta ut sol,
* Terríbilis ut castrórum ácies ordináta?
V. Fília Sion, tota formósa et suávis es, pulchra ut luna, elécta ut sol.
* Terríbilis ut castrórum ácies ordináta?

[Lectio3]
!3 Reg 8:38-43
38 Si quis cognóverit plagam cordis sui, et expánderit manus suas in domo hac,
39 tu exáudies in cælo in loco habitatiónis tuæ, et repropitiáberis, et fácies ut des unicuíque secúndum omnes vias suas, sicut víderis cor eius (quia tu nosti solus cor ómnium filiórum hóminum),
40 ut tímeant te cunctis diébus quibus vivunt super fáciem terræ quam dedísti pátribus nostris.
41 Insuper et alienígena, qui non est de pópulo tuo Israël, cum vénerit de terra longínqua propter nomen tuum (audiétur enim nomen tuum magnum, et manus tua fortis, et bráchium tuum
42 exténtum ubíque), cum vénerit ergo, et oráverit in hoc loco,
43 tu exáudies in cælo, in firmaménto habitáculi tui, et fácies ómnia pro quibus invocáverit te alienígena: ut discant univérsi pópuli terrárum nomen tuum timére, sicut pópulus tuus Israël, et probent quia nomen tuum invocátum est super domum hanc.

[Responsory3]
@Commune/C11:Responsory5

[Lectio4]
Sermo sancti Bernárdi Abbátis
!Serm. 52 de divers.
Sapiéntia, quæ Dei erat, et Deus erat, de sinu Patris ad nos véniens, ædificávit sibi domum, ipsam scílicet Matrem suam Vírginem Mriam, in qua septem colúmnas excidit. Quid est in ea septem colúmnas excidere, nisi ipsam dignum sibi habitáculum fide, et opéribus præparare? Nimírum ternarius númerus ad fidem propter sanctam Trinitátem, quaternarius pértinet ad mores propter quátuor principales virtútes. Quod autem in beáta María sancta Trínitas fúerit, fúerit dico per præséntiam majestátis ; ubi solus Fílius erat per susceptionem humanitátis, testátur núntius cœlestis, qui ei arcána mystéria réserans, ait : Ave grátia plena. Dóminus tecum ; et post pauca : Spíritus sanctus superveniet in te, et virtus Altíssimi obumbrábit tibi. Ecce habes Dóminum, habes virtútem Altíssimi, habes Spíritum sanctum, habes Patrem, Fílium, et Spíritum sanctum.

[Responsory4]
R. O quam metuendus est locus iste!
* Vere non est hic aliud, nisi domus Dei, et porta cœli.
V. Hæc est domus Domini firmiter ædificata, bene fundata est supra firmam petram.
R. Vere non est hic aliud, nisi domus Dei, et porta cœli.

[Lectio5]
Utrum autem et quátuor principales virtútes, tamquam quátuor colúmnas possederit, inquisitione dignum vidétur. Primum ergo videámus, an fortitúdinem habúerit. Quæ nimírum virtus quómodo illi abesse pótuit, quæ abjéctis sæculáribus pompis, spretisque voluptatibus carnis, soli Deo in virginitáte vívere propósuit? Ni fallor, hæc Virgo est, quæ apud Salomónem légitur : Mulíerem fortem quis inveniet ? procul, et de ultimis fínibus prétium ejus. Porro quod temperans et justa fúerit, ex Ángeli collocutione, et sui ipsíus responsione, luce clárius comprobamus. Salutata quippe tam venerabiliter ab Angelo : Ave, grátia plena. Dóminus tecum ; non se éxtulit, quasi quæ ex singulári grátiæ privilégio benediceretur, sed siluit, et qualis esset insólita hæc salutatio secum cogitávit. Qua in re, quid nisi temperans fuit? At vero, cum de cœlestibus mystériis ab eódem Angelo doceretur, diligénter quæsívit, quómodo conciperet et pareret, quæ virum útique non cognósceret, et in hoc sine dúbio prudens éxstitit.

[Responsory5]
@Commune/C8:Responsory2

[Lectio6]
Justítiæ autem præ se fert insígne, ubi se ancíllam Dómini confitétur ; nam quod justórum sit conféssio, testátur qui ait ; Verúmtamen justi confitebúntur nómini tuo. Fuit ígitur beáta Virgo María fortis in propósito, temperans in siléntio, prudens in interrogatione, justa in confessióne. His ítaque quátuor morum columnis, et tribus fídei prædictis exstrúxit in ea sibi domum Sapiéntia cœlestis, quæ ádeo mentem ejus replevit, ut de plenitudine mentis fœcundaretur et caro. Ipsíus autem Vírginis natális domus divínis mystériis consecráta , Angelórum ministério ab infidélium potestáte in Dalmatiam prius, deínde in agrum Laurentanum Picenæ provínciæ transláta fuit, sedénte sancto Cœlestino Quinto : eamdémque ipsam esse, in qua Verbum caro factum est, et habitávit in nobis, tum pontifíciis diplomátibus, et celebérrima totíus orbis veneratióne, tum continua miraculórum virtúte et cœlestium beneficiórum grátia comprobátur. Quibus permótus Innocéntius Duodécimus, quo ferventius erga Matris amantissimæ cultum Fidélium memória excitaretur, ejúsdem sanctæ Domus Translationem anniversária solemnitáte in tota Piceni Provincia veneratam. Missa étiam et Offício próprio celebrári præcépit.

[Responsory6]
@Commune/C8:Responsory7

[Lectio7]
Léctio sancti Evangélii secúndum Lucam
!Luc 1:26-38
In illo témpore: Missus est Ángelus Gábriel a Deo in civitátem Galilææ, cui nomen Názareth, ad Vírginem desponsátam viro, cui nomen erat Joseph, de domo David, et nomen Vírginis María. Et réliqua.
_
Homilía sancti Bernárdi Abbátis
!Ex Homilía 1 super Missus
Quæ est hæc Virgo tam venerábilis, ut salutetur ab Angelo? tam húmilis, ut desponsáta sit fabro? Pulchra permixtio virginitátis et humilitátis: nec mediocriter placet Deo illa ánima, in qua et humílitas comméndat virginitátem, et virgínitas exornat humilitátem. Sed quanta, putas veneratióne digna est, in qua humilitátem exáltat fœcunditas, et partus consecrat virginitátem? Audis vírginem, audis húmilem? Laudábilis virtus virgínitas, sed magis necessaria humílitas: illa consulitur ista præcipitur.

[Responsory7]
R. Diffúsa est grátia in lábiis tuis,
* Proptérea benedíxit te Deus in ætérnum.
V. Myrrha, et gutta, et cásia a vestiméntis tuis, a dómibus ebúrneis, ex quibus te delectavérunt filiæ regum in honóre tuo.
R. Proptérea benedíxit te Deus in ætérnum.

[Lectio8]
!Ex Hom. 2 super eódem loco.
Missus est, inquit, Ángelus ad vírginem, vírginem carne, vírginem mente, vírginem professióne, vírginem dénique qualem describit Apóstolus, mente et córpore sanctam, nec no viter, nec fortúito inventam, sed a sacculo electam, ab Altíssimo præcognitam, et siti præparatam, ab Ángelis servatam, a Pátribus præfiguratam, a Prophétis promíssam. Ut pauca loquar de plúribus, quam sibi áliam pra.‘dixísse Deus vidétur, quando ad serpentem ait ; Inimicitias ponam inter te et mulíerem? Et si adhuc dubitas, an de María dixerit, audi quod séquitur: Ipsa cónteret caput tuum ; cui hæc serváta victória est, nisi Maríæ ?

[Responsory8]
R. Beáta es, Virgo María Dei Génitrix, quæ credidísti Dómino: perfécta sunt in te, quæ dicta sunt tibi: ecce exaltáta es super chros Angelórum:
* Intercéde pro nobis ad Dóminum Deum nostrum.
V. Ave María, grátia plena: Dóminus tecum.
&Gloria
R. Intercéde pro nobis ad Dóminum Deum nostrum.

[Lectio9]
!Ex Hom. 3 super eódem loco.
Et ingréssus Ángelus ad eam, dixit: Ave grátia plena. Dóminus tecum. Quo ingréssus ad eam? Puto in sacrárium pudici cubículi, ubi illa fortassis, clauso super se ostio, orabat l'atrem in abscóndito. Solent Ángeli adstare orantibus, et delectari in his, quos vident levare puras manus in oratióne. Holocáustum sanctæ devotiónis gaudent se offérre Deo in odórem suavitátis. Maríæ autem orationes, quantum placuerint in conspéctu Altíssimi, Ángelus indicávit, qui ingréssus ad eam tam reverénter salutavit.

[Ant Laudes]
@Commune/C8:Ant Vespera:1 s/;;\d+/;;/
@Commune/C8:Ant Vespera:2 s/\.;;/: in ea omnis qui petit, áccipit, et qui quærit ínvenit: et pulsánti aperiétur.;;/ s/;;\d+/;;/
@:Ant VesperaBMV:s/;;\d+//gm

[Capitulum Laudes]
!Eccl. 24:1
v. In ómnibus réquiem quæsívi, et in hæreditate Dómini morabor. Tunc præcépit, et dixit mihi Creátor ómnium ; et qui creávit me, requievit in tabernáculo meo.
$Deo grátias

[Hymnus Laudes]
@Commune/C8

[HymnusM Laudes]
@Commune/C8

[Versum 2]
V. Introíbimus in tabernáculum ejus.
R. Adorábimus in loco, ubi stetérunt pedes ejus.

[Ant 2]
Ecce tabernáculum Dei cum homínibus, et habitábit cum eis: et ipsi pópulus ejus erunt, et ipse Deus cum eis erit eórum Deus.

[Responsory Breve Tertia]
R.br. Hic domus Dei est, * Et porta cœli.
R. Hic domus Dei est, * Et porta cœli.
V. Et vocábitur aula Dei.
R. Et porta cœli.
&Gloria
R. Hic domus Dei est, * Et porta cœli.

[Versum Tertia]
@Commune/C8:Versum 0

[Responsory Breve Sexta]
R.br. Dómine, * Diléxi decórem doums tuæ.
R. Dómine, * Diléxi decórem doums tuæ.
V. Et locum habitatiónis glóriæ tuæ.
R. Diléxi decórem doums tuæ.
&Gloria
R. Dómine, * Diléxi decórem doums tuæ.

[Versum Sexta]
@Commune/C8:Versum 3

[Responsory Breve Nona]
R.br. Domum tuam, Dómine, * Decet sanctitúdo.
R. Domum tuam, Dómine, * Decet sanctitúdo.
V. In longitúdinem diérum.
R. Decet sanctitúdo.
&Gloria
R. Domum tuam, Dómine, * Decet sanctitúdo.

[Versum Nona]
V. Hic domus Dei est, et porta cœli.
R. Et vocábitur aula Dei.

[Versum 3]
@:Versum 1

[Ant 3]
@Commune/C8

[Introitus]
@Commune/C8

[Lectio]
Léctio libri Sapiéntiæ.
!Eccli. 2:1,11-13 et 15-20
In ómnibus requiem quæsívi, et in hereditáte Dómini morábor. Tunc præcépit et dixit mihi Creator ómnium: et qui creávit me, requiévit in tabernáculo meo, et dixit mihi: In Jacob inhábita, et in Israël hereditáre, et in eléctis meis mitte radíces. Et sic in Sion firmáta sum, et in civitáte sanctificáta simíliter requiévi, et in Jerúsalem potéstas mea. Et radicávi in pópulo honorificáto, et in parte Dei mei heréditas illíus, et in plenitúdine sanctórum deténtio mea. Quasi cedrus exaltáta sum in Líbano, et quasi cypréssus in monte Sion. Quasi palma exaltáta sum in Cades, et quasi plantátio rosæ in Jéricho. Quasi olíva speciósa in campis, et quasi plátanus exaltáta sum juxta aquam in platéis. Sicut cinnamómum et bálsamum aromatízans odórem dedi: quasi myrrha elécta dedi suavitátem odóris.

[Graduale]
!Ps 20:4
Unam pétii a Dómino, hanc requíram, ut inhábitem in domo Dómini ómnibus diébus vitæ meæ.
V. Ut vídeam voluptátem Dómini, et vísitem templum ejus.
Allelúja, allelúja.
!Ps 83:5
Beáti, qui hábitant in domo tua, Dómine: in sǽcula sæculórum laudábunt te. Allelúja.

[GradualeP]
Allelúja, allelúja.
!Ps 83:5 et 11
Beáti, qui hábitant in domo tua, Dómine: in sǽcula sæculórum laudábunt te. Allelúja.
V. Mélior est dies una in átriis tuis super mília. Allelúja.

[Tractus]
!Ps 83:5 et 11
Beáti, qui hábitant in domo tua, Dómine: in sǽcula sæculórum laudábunt te.
V. Mélior est dies una in átriis tuis super mília.
V. Elegi abjéctus esse in domo Dei mei: magis quam habitáre in tabernáculis peccatórum.

[Evangelium]
@Sancti/03-25

[Offertorium]
!Ps 5:8
Introíbo in domum tuam, adorábo ad templum sanctum tuum, et confitébor nómini tuo. (Allelúja.)

[Secreta]
Accipe, quǽsumus, Dómine, múnera in hac sacra domo dignánter obláta: et, beátæ Maríæ Vírginis suffragántibus méritis, ad nostræ salútis auxílium proveníre concéde.
$Per Dominum

[Communio]
!Prov. 8:34-35
Beátus, qui audit me, et qui vígilat ad fores meas cotídie, et obsérvat ad postes óstii mei. Qui me invénerit, invéniet vitam, et háuriet salútem a Dómino. (Allelúja.)

[Postcommunio]
Quǽsumus, Dómine, Deus noster: ut sacrosáncta mystéria, quæ pro reparatiónis nostræ munímine contulísti, intercedénte beáta María semper Vírgine, et præsens nobis remédium esse fácias et futúrum.
$Per Dominum
